انا عايز ايه؟؟؟؟
حقيقي مش عارف
فلوس؟
صحه؟
حياه؟
حب؟
مستقبل؟
وظيفه؟
انا عارف اني مش قنوع
فعليا مفيش انسان مننا قنوع
هيبقي عندك الصحه هتفكر ف الفلوس
هيبقي عندك الصحه و الفلوس هتدور ازاي تعيش حياتك
و هكذا
الدنيا مش مصنع لتحقيق الاحلام،،،
جمله سمعتها من فيلم مش فاكره
بس فعلا
لو انا محققتش احلامك محدش هيساعدك
كله بيدور علي نفسه
و عمرك ما هتلاقي كل حاجه جيالك علي طبق من فضه
انا يمكن مكونش كبير بالقدر الكافي اني اتكلم عن الدنيا و الحياه
بس بجد مريت بتجارب سودا في حياتي
علمتني و علمت فيا و ساعات علمت عليا
مزعلتش ولا انكسرت
قضيت جيش،،،سافرت،،،جوعت،،،نمت ف الشوارع،،،اكلت من الزباله(((فعليا و حرفيا اكلت من الزباله)))
،،،اشتغلت في كل شغلانه ممكن اي حد يتخيلها
حبيت و اتحبيت
و خنت و اتخنت(((مشتقات من الخيانه)))
عمري ما شوفت نفسي حد كامل
انا دايما عارف ان فيا كل عيوب الدنيا
بصارح نفسي قبل ما حد يصارحني
ساعات بكون سكير و عربيد
ساعات درويش
ساعات امام مسجد
ساعات تلاقيني في قداس الاحد
............................
انا بدور علي نفسي
علي طريقي
و احتمال ملاقيش الطريق
...............
بس صدقوني
الرحله ممتعه
اتمتعوا بكل لحظه
بكل خطوة
......................
